Tila mailap pa rin para sa mga mananaya ng Ultra Lotto 6/58 ang winning number combination para mapanalunan ang aabot sa mahigit 700 milyong pisong jackpot prize.
Dahil dito, inihayag ni PCSO o Philippine Charity Sweepstakes Office General Manager Alexander Balutan na posibleng umakyat na sa 800 million pesos ang jackpot prize sa naturang lotto game.
Magugunitang nasa 41 mananaya ang nakakuha ng 5 digits winning number sa bola nito noong Biyernes bagama’t walang nakakuha ng 6 digits winning number combinations na 46 – 25 – 55 – 26 – 50 at 57.
Dahil dito, makatatanggap sila ng consolation prize na aabot sa mahigit 200,000 piso bawat isa.