Matod pa ni Barangay Chairman Jose Paulo Jude Natividad, ang mga nasampit nga newly confirmed cases ang natala sa migawas nga case bulletin sa Department of Health ning Biyernes, September 18.
Gipaklaro naman sa opisyal nga ang mga nasampit ang daan nang anaa sa isolation facility, human matultol usab sila nga mga contacts sa usa ka Covid-infected frontliner sa barangay.
Gipalapdan pa sa local government unit sa Barangay Apopong ang ginahimong contact tracing efforts sa mga taong posibleng nakahimamat sa tulo ka mga bagong kaso sa Covid-19 infections sa maong lugar.
“Ang mother nila is a frontliner, umuwi sa bahay. Pag-uwi sa bahay nahawaan na ang family members. Kaya nakuha din natin ito, bago pa man lumabas ang positive results sa kanila,” ang pagpaniguro ni Natividad.
Nasayran nga ang maong frontliner ang adunay 14 ka mga direct contacts.
“Kasi 14 lahat ang direct contacts nito. Sa 14, tatlo ang nag-positive.”
Sa karon, ginatun-an pa sa barangay kung subling magpatuman ug bagong zonal lockdown atol sa ipahigayong contact tracing efforts. (Leo Martin Cellan)