Mao kini gianunsyo sa managlahing press conference sa EOC o Emergency Operations Center ug sa Department of Health o DOH 7 kagahapon.
Si Dr. Mary Jean Loreche, tigpamaba sa DOH-7, miingon nga ang pooled sampling test, usa ka component sa Project Antibody Rapid Test Kit (ARK), molanat og tulo ka adlaw.
Matod ni Loreche, ang pooled testing sa Carbon magsugod ugma ug magpadayon hangtod sa Okt. 1 ug 2.
Sa nasayran, ang CDC o Center for Disease Control & Prevention sa Amerika miingon nga ang pooled swab testing nagpasabot sa pag-combine sa mga respiratory samples gikan sa pipila ka tawo ug paghimog usa lang ka polymerase chain reaction o PCR test sa pag-ila sa presensiya sa coronavirus disease o COVID-19.
Suma pa ni Loreche, buot nila nga makakolekta og lima ka yunik nga swab samples sa mga vendors sa Carbon ug i-treat isip ‘one singular sample’.
Midugang siya na ang resulta sa maong test mogawas sulod lang sa 24 oras.
(Jhon Tadlip/JTY, photo courtesy of Tarepan (January 2020)
(Source: Cebu City PIO/Emergency Operations Center)