Bout palawigan sa amahan sa syudad  Gensan Mayor Ronel Rivera pinaagi sa local IATF ang General Community Quarantine(GCQ) status sa syudad nga una nang gi-extend niini hangtud petsa 15 sa Oktubre niining tuiga. Kini human gikumpirma ni City Administrator Arnel Zapatos nga bout matud pa sa City IATF nga i-apela ang deklarasyon sa mahal nga Pangulo Rodrigo Duterte atul sa iyang public address niadtong Lunes sa gabii petsa 28, ang bag-ong quarantine status sa syudad nga gikan sa GCQ mamahimo ng Modified General Community Quarantine.
Dako matud pa ug impact ang pag pas pas nga pag saka sa kaso sa COVID-19 cases sa syudad nga mihimo ug kabalaka sa mga negosyante ug mga katawhan sa syudad hinungdan nga naka hukom sila sa maong pag palawig sa GCQ status.
Ang GCQ nag langkob sa pag pabilin sa mas hugot nga pag obserba sa quarantine status sa syudad diin gi regulate gayud ang mga non-essential nga mga lakaw ug aktibidad sa matag adlaw. Gi dili usab ang pag abli sa mga leisure business establishment ingon man ang mass gathering samtang gitugtan gihapon ang simba apan dili gayud supakon ang pag pahigayon ug total lockdown matag adlawang domingo.
Bugtong 21 hantud 59 anyos lamang ang maka gawas sa panimalay gamit ang mga clustering ID’s sibo sa matag clustering schedule niini sa tibook semana. Kahibaluan nga una nang miani ug negatibong reaksiyon ang syudad human sa luya matud pa nga aksyon niini kalabot sa pag pahugot sa seguridad sa tanang naga sulod ug gawas sa dakbayan pinaagi sa mga komprador ug isda gikan sa mga high risk areas nga maka sulod sa fishport hinungdan sa gipahigayong border lockdown hangtud sa kasamtangan. (OIC Cris Legaspi, RPN DXDX GenSan)