PNP recruitment ipagpapaliban muna

Ipinagpaliban muna ng Philippine National Police (PNP) ang pagpoproseso sa mga magnanais na mapabilang sa kanilang hanay.

Ito ay matapos na muling buksan ng PNP ang kanilang recruitment matapos ang pag-iral ng lockdown sa Metro Manila, at ilan pang bahagi ng bansa.

Batay sa inilabas na abiso ng PNP, ipagpapaliban muna nila ang kanilang recruitment process dahil na rin sa mga umiiral na quarantine protocols gaya ng pagkuha ng IATF clearance para sa mga aplikante, kahirapan sa pagpoproseso ng mga dokumento ng mga aplikante at para na rin sa kalusugan at kaligtasan ng mga ito.