Mga tauhan ng PNP na mayroong COVID-19 mahigit 300 na

Pumalo na sa higit 300 ang bilang ng mga tauhan ng Philippine National Police (PNP) ang nagpositibo sa coronavirus disease 2019 (COVID-19).

Batay sa pinakahuling datos mula sa PNP, nasa kabuuang 315 na ang bilang ng kanilang mga personnel na nagpositibo sa COVID-19.

Sa naturang bilang, nasa 163 ang bilang ng mga nakarekober habang nananatili naman sa apat ang bilang ng mga nasawi.

Sa ngayon, nasa higit 600 naman ang bilang ng suspected cases at halos 700 naman ang bilang ng probable COVID-19 cases sa hanay ng PNP.