Davao City: Nagpahimangno karon ang Land Transportation Office ingon man ang Land Transportation Franchising and Regulatory Board sa rehiyon nga way nahitabong pagsaka sa pletehan sa tanang pampoblikong sakyanan nganhi sa rehiyon.
Ang pahimangno sa duha ka buhatan sa kagamhanan gipagula sa pamasin nga dunay mga PUJ ug Taxi Driver nga magpahimulos ning panahon sa kresis sa panglawas gumikan sa COVID- 19.
Sumala pa sa gipakanaug nga kamanduan, giawhag ang katawhan nga kung dunay mga PUJ ug Taxi driver nga sobrang maningil sa pamasahe mamahimo nila kining ireklamo sa buhatan. Ang mga reklamo mamahimong ipaagi sa Facebook Page sa LTFRB ug LTO ug dili ba kaha itawag sa (082) 297- 2525.
Sumala pa nga kung mahimo kuhaan ug hulagway ang sakyanan nga Makita ang Plate number niini ingon man ang Rota aron dali lamang ang pagpatawag sa Driver nga gireklamo. Ilakip sa reklamong ipadangat ang pangalan sa nagreklamo ug uban pa nga impormasyon aron dali usab nga mapahibalo sa adlaw nga gitakdang hearing.