Pitong Emission Testing Centers sinuspinde ng DOTr dahil sa pamemeke ng resulta

Sinuspinde ng Department of Transportation (DOTr) ang pitong private emission testing centers.

Ito ay matapos mapatunayan ng Investigation Security and Law Enforcement Staff (ISLES) ng DOTr na namemeke ang pitong centers ng resulta ng mga emission test.

Kabilang sa pinatawan ng suspensyon ang:

1. Nicole Emission Testing Center sa Calamba, Laguna,
2. RQG Emission Test Center sa 1111, Quezon City,
3. Sigma Sure Emission Testing Center sa Sigma, Capiz
4. Clearview Emission Testing Center sa Brgy. Kaunlaran, Q.C
5. Nadine Emission Testing Center sa Alaminos, Laguna
6. MJAS Emission Testing Center sa Brgy. Balon Bato, Q.C
7. Espino Automotive System sa Malasiqui, Pangasinan

Samantala, pinaalalahanan ng DOTr ang IT service provider ng mga naturang centers na pansamantalang itigil ang pagproses ng anomang datos sa mga nabanggit na kumpanya.