Davao City – Gidayig ni 1003rd Infantry Brigade Commander General Nolasco Mempin ang nahimong kalampusan sa 89th Infantry Battalion Philippine Army sa pagpanguna ni Leutenant Colonel Silas Trasmontero human ang pormal nga pag turn over sa Pito ka mga Makeshift Classroom sa unom ka mga sityo sa Lungsod sa Kitaotao ug San Fernando Probensiya sa Bukidnon.
Sumala pa ni General Mempin nga dkli lamang nabungkag sa 89th IB ang 13 ka mga Kilusang Rebolusyonaryong Barangay kun KRB ilawom sa Kilusang Rebolusyonaryong Munisipalidad kun KRM.
Nakuha usab niini ang suporta sa IP Community sa duha ka mga Lungsod hinungdan sa dili la lamang dugay nga deklarasyon sa Persona Non Grata.
Sa pikas bahin, Sumala pa ni Gensral Mempin nga nakuha usab sa 89th IB ang suporta gikan sa mga Local Government Unit ingon man ang nagkalain laing Stakeholders.
Tungod niini, natukod ang Pito ka mga Makeshift Classroom sa unom ka mga sityo. Ang nahiagutang Proyekto gikalipay usab ug dako sa mga lumad sa mga Lungsod sa Kitaotao ug San Fernando sa Bukidnon.
Kahinumduman nga sa nakalabayng tuig, hingpit nga nabungkag sa 89th IB ang mga Illegal nga tunghaang gipadagan sa rebelding New Peoples Army.
Tungod niini, aron mahatagan ug saktong edukasyon ang mga batang Lumad ug maangkon ang saktong edukasyon, gipatukod niini ang mga Makeshift Classroom samtang gilaabot nga matukod sa Department of Education ang Standard School Buildings sa nahisgutang mga sityo.
(OIC Michael Manguhig, RPN DXKT Davao)
(Source: 89th IB/ DPAO/ CMO Battalion)
