Gumikan sa kusog nga uwan kagahapong adlawa, Oktobre 16, 2023, ubay-ubay ka mga lugar sa Metro Cebu ang nakasinati og landslide ug Baha.
Ang Plazaville, Barangay Busay ug Sitio Upper San Roque, Barangay Calamba, siyudad sa Sugbo na apiktuhan sa kusog na pag uwan diin nidahili ang yuta.
Daling ni responsi ang mga sakop sa Cebu City Disaster Risk Reduction Management Office (CCDRRMO) sa maong landslide aron maseguro nga luwas ang mga tawo nga muagi sa maong lugar.
Samtang daghang mga lugar sa siyudad sa Sugbo, dakbayan sa Mandaue ang nakasinati sa grabing tubi baha.
Daghan ang nakasinati og kalisud sa ilang pagbiyahi labi na sa mga motorista gumikan kay lawom ang tubig sa mga karsada.
Hinuon adunay band aid solution ang gihimo sa LGU aron daling muhubas ang tubig sa kadalanan.
Mahinumduman nga ang PAGASA ni issue og Thunderstorm Advisory diin (7.5-30 liters/meter² per hour) ang gidala sa maong ulan. (Renante Lada, photo courtesy of CCDRRMO)