Cebu City- Giawhag sa kadagkoan sa Sugbo ang publiko nga dili ipakiglain o ipihig ang mga tawo nga nakapaduol sa mga pasyente sa coronavirus disease kun Covid 19 lakip na sa mga tinugyanan sa panglawas nga nag-atiman niini.
Atol sa press conference sa miaging adlaw, mibahad si Gob. Gwendolyn Garcia paghimog legal actions batok niadtong maniglain sa mga frontliners ilabi na sa mga tawong anaa sa health sector.
Gipasupot ni Garcia ang warning nunot sa nadawat nga report bahin sa usa ka homeowners’ association sa siyudad sa Bogo sa maihanang Sugbo nga naglaraw pagpirma og petisyon nga magdili sa mga trabahante sa ospital nga mosud sa ilang nahimutangan.
Sa iyang bahin, si Bokal Celestino Martinez III sa kuwarto distrito miingon nga ang kagamhanan sa Bogo nagsusi na sa maong butang.
Samtang si Brig. Gen. Albert Ignatius Ferro sa PRO 7 subling midasig sa publiko nga magpabilin lang sa ilang balay aon kapugngan ang pagtakod sa Covid 19.
Sa nasayran, aduna nay 26 ka kompirmadong kaso sa coronavirus sa Central Visayas nga kadaghanan nahimutang sa dakbayan sa Sugbo.
Kini naglkaip niadtong Insek nga gikan sa Wuhan City nga nakarekober na ug gipagawas na sa ospital niadtong Enero.
Gawas niana, upat na pod ang namatay sa virus, segun sa DOH 7, hangtod sa milabayng adlaw, Marso 28.
Duha niini sa dakbayan sa Sugbo ug duha sab sa Negros Oriental.