Davao del Norte: Gibawi gilayon ni Davao del Norte Governor Edwin Jubahib ang naunang niyang mando nga bawalan ang tanang mga rice producers, traders ug suppliers nga mamaligya gawas sa maong lalawigan.
Pinaagi sa gipagawas nga Memorandum Order No. 9 niadtong sabado, gisuspendi una ang implementasyon sa Memo Order No. 8 nga gipagawas naidtong Biyernes (Marso 27, 2020).
30
Ang pagsuspendi sa implementasyon subay matud pa sa abiso nga gipalugwa sa Department of Interior and Local Government nga gibase usab sa Memorandum Circular No. 9 sa Department of Agriculture.
Una nang giabisuhan sa gobernador sa Davao del Norte ang tanang mga Mayor nga sakop sa lalawigan nga did-an ang tanang rice traders, sellers, producers ug suppliers nga mamaligya og bugas gawas sa maong probinsya.