Iriga City — Pormal ng pinag-anunciar ni alcalde Jeff Besenio kan Baao, Camarines Sur na kansilado na nguna an gabos na mga aktibidad sa nagraraning kapistahan kan saindang banwaan ini katakod kan padagos na paglaban sa Covid 19 pandemic.
Iyo ini an sinabi kan alcalde matapos na maka-olay kan Radyo Ronda.
Sigun sa saiya, kun idadagos an mga aktibidad kan banwaan ciertong dai masusunod an pinagboboot kan IATF asin Department of Health orog na an social distancing, kaya pinagmaray na dai na sana idagos an ano man na aktibidad.
Alagad naglalaom an alcalde na pagkatapos kan pandemya, magigin na naman na makolor an saindang selebrasyon.
An kapistahan kan Baao kasabay man kan pintakasi kan patron kaini na si San Bartolome.
An Baao, bistado na home town kan pinaka-inot na arsobispo kan Pilipinas na si Msgr. George Barlin, dipuntong Senador Joker Arroyo asin dakol pang mga promeninting personalidad.
(OIC Melvin Barayoga, RPN DZKI Iriga)
(Source: LGU Baao)