Pinoy sa California, nanganganib maputulan ng kamay

Nanganganib maputulan ng kamay ang isang Pilipino sa Daly City sa California, USA.

Ito ay matapos lapain ng halos isang oras ng asong Rottweiler ang mga kamay ni Gil Galang na nagkaluray luray.

Tumigil lamang ang panlalapa ng aso nang barilin ito ng mga rumespondeng pulis.

Sinabi ni Galang na nagpapahangin lamang siya sa bakuran ng kanilang bahay nang bigla siyang atakihin ng aso.

Pina-plano naman ng mga kaanak ni Galang na kasuhan ang may ari ng Rottweiler.