Maipatpatungpal ti naiget a monitoring kadagiti ‘’quarantine facility’’ ken ‘’isolation unit’’ ti ili a Piddig.
Inlawlawag ni Police Capt. Christopher Ramos, hepe ti PNP Piddig nga adda ti naituding nga oras a panagbantay ti tunggal maysa a kameng ti PNP kadagiti nadakamat a pasilidad.
Imbatadna a babaen iti daytoy ket saan a mabaybay-an ti mabalin a panagruar dagiti naka-quaranatine.
Kunana a malaksid kadagiti isolation unit ken karaman pay kadagiti banbantayanda ti Balay Silangan a nainayon a pasilidad ken adda pay dagiti barangay isolation unit a pakikamkammayetan dagiti barangay officials.
Segun kenkuana, iti agdama nakurkurang ngem duapulo dagiti adda iti municipal isolation unit, pito ti Piddig South Central Elem. Scholl ken maysa iti Brgy. Loing.
Nupay kasta, impatalgedna a natulnog dagiti kakailianda nga agtungpal kadagiti amin a protocol ken pagannurutan kontra iti COVID-19. (Ronald Domingo)
(Source: LGU Piddig, Ilocos Norte)