Ang Dipolog City Police kauban ang Zamboanga del Norte Provincial Drug Enforcement Unit, nagpahigayon og joint buy-bust operation sa illegal nga drugas sa Brgy Turno, Dipolog City alas 7:05 sa gabii niadtong Mayo 12, 2023.
Ang maong operasyon miresulta sa pagkasikop ni German Salazar Florendo, 46 anyos, ulitawo, negosyante, ug temporaryong nagpuyo sa Brgy. Sta. Isabel, dakbayan sa Dipolog nga adunay permanenteng address sa Purok Mahigugmaon, Brgy. Mauswagan, Diplahan, Zamboanga Sibugay.
Nasakmit atol sa operasyon ang 3 ka heat-sealed transparent sachet nga adunay sulod nga white crystalline granules nga gituohang shabu nga motimbang og 5 gramos nga gibana-bana nga mobalor sa P34,000.00, pitaka nga dunay sulod nga nagkadaiyang ID cards ug nagsilbing container sa shabu, PhP440.00. cash sa lain-laing denominasyon ug usa ka piraso sa PhP1,000.00 bill nga gigamit isip marked money.
(Source: PNP Dipolog)