30.2 C
Manila
Sunday, April 21, 2024

Philhealth 7, Chong Hua Hospital Nag-Atubang Ug Graft Labot Sa COVID-19 Claims

- Advertisement -

Laing ospital sa dakbayan sa Sugbo ang gipasanginlang nakahimo og fraudulent transactions labot sa claims sa masakiton sa coronavirus disease o COVID-19 uban sa kadagkoan sa PhilHealth o Philippine Health Insurance Corporation.

Tungod niini, gisang-at sa National Bureau of Investigation o NBI-7 atubangan sa Ombudsman Visayas ang mga kaso batok sa kadagkoan sa PhilHealth-7 ug sa Chong Hua Hospital nga giingong nakalapas sa Anti-Graft and Corrupt Practices Act ug malversation of public funds pinaagi sa pagpalsipikar sa mga dokumento.

Ang maong mga reklamo gipasaka sa miaging adlaw nila ni NBI-7 director Renan Augustus Oliva.

Pito ka opisyal sa PhilHealth-7 lakip sa duha ka John Does, ug tulo ka officers sa Chong Hua Hospital ang ginganlan sa kaso.

Ang opisyal sa PhilHealth-7 mao sila si Arlan Granali, Dr. Francis Javier, Dr. Joan Tiu-Ayuson, Josette Bacalso, Dr. Reginald Mangubat, Anecito Ramas Jr., Anthonnette Maamo, ug  Kenneth Donalvo samtang sa Chong Hua mao sila si Sharon Rose Rosales, Jasmin Miguel, ug Tiffany Bertulfo.

Nakita sa imbestigasyon sa NBI-7 nga ang kadagkoan sa  PhilHealth-7 napakyas paghashas sa dokumento sa Chong Hua nga gituhoang gimaniobra.

Sa iyang bahin, si Agent Arnel Pura namahayag sa media nga ilang nadiskobrehan nga ang ospital mi-file og covid claim sa kantidad nga P193 mil sa 41 anyos nga pasyente nga namatay sa kidney failure. (Jhon Tadlip/JTY)

(Source & photo courtesy of  National Bureau of Investigation-7)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -