Gitudlo ni Cebu City Mayor Edgardo Labella si Vice Mayor Michael Rama isip vaccine czar.
Kini human sa pagsinukliay nila og mahang nga mga pung sa milabayng weekend.
Si Labella miingon nga nakigsulti na siya kang Rama niadtong Lunes bahin sa vaccination plan, butang nga nagtimaan nga inanay nang naulian ang ilang relasyon.
Atol sa phone conference, si Labella mitug-an nga iyang gisultihan si Rama nga moluwat siyag executive order nga magsabak sa appointment niini isip vaccine czar aron pag-aninaw sa ipahigayong pagpamakuna uban sa vaccine board.
Gitataw sa mayor nga siya ug si Rama nagpabiling managhigala ug kaalyado bisan kon managlahi ang ilang panglantaw sa pipila ka isyu.
Gipadayag ni Labella nga aduna siyay pagsalig nga ang bise mayor makig-coordinate sa tanang ahensiya alang sa hapsay nga pagpatuman sa vaccination program.
Aduna usay mahinungdanong papel ang konseho sa programa pinaagi sa kaugalingon niining vaccine council.
Sa nasayran, kabahin ang dakbayan sa vaccine allocation sa nasodnong kagamhanan karong Pebrero 16. (Jhon Tadlip/JTY)
(Source & photo courtesy of Cebu City Public Information Office)