Aron mapalig-on ang local investment, gihimo ang ZamPen Cross Learning on LGU Inclusive Investment Promotions and Mobilization gihimo sa Zamboanga City Aron hingpit nga mapalig-on ang local investment ug mapakunhod sa kapobrehon dinhi sa rehiyon 9, adunay 30 ka partisipante ang misalmut sa Zamboanga Peninsula Cross Learning on LGU Inclusive Investment Promotions and Mobilization nga gipahigayon sa dakbayan sa Zamboanga, Marso 12-14 niining tuiga.
Kini gipasiugdahan sa Zamboanga-Basilan Integrated Development Alliance (ZABIDA)-GIZ ug gitambungan sa LGUs sa Zamboanga del Norte, Zamboanga del Sur ug Isabela City, Basilan ug Zamboanga City. Sa pagpakighinabi ni Ms. Queennie Casimiro, Project Mobilizer for Zamboanga del Norte, ZABIDA-GIZ nga ang maong 3 ka adlaw nga kalihukan tuyo nga gihimo aron sa pagpaambit sa Zamboanga del Norte ug Zamboanga del Sur kung unsa nay update o nahimo sa pagpatuman sa mga proyekto nga gitanyag sa ZABIDA ug gisuportahan sa GIZ o German Cooperation ug gipunduhan sa European Union.
Gipasalamatan ni Ms. Casimiro si Governor Rosalina “Nanay Nene” Jalosjos sa suporta sa maong programa pinaagi sa pagpadala ug representante gikan sa probinsya aron mosalmut sa mga kalihukan nga ilang gihimo sa ZABIDA.
Ingon man, mipaambit usab ang duha ka dakbayan sa Isabela ug Zamboanga sa ilang mga inisyatiba ug pagpaningkamot aron mapalambo ang local investment. Gidayeg ni Ms.Casimiro ang mga inisyatiba ug stratehiya sa LGU Isabela City sa pagpangulo ni Mayor Sitti Djalia Turabin-Hataman alang na sa pagpalambo sa mga lokal nga negosyo. Lakip nga mitambong gikan dinhi sa Zamboanga del Norte mao sila si Ms. Maila Dinolan sa Provincial Planning and Develepment Office, Ms. Mishel Bala-Montederamos kinsa nag-representar ni Provincial Information Center Head Mr. Charles Anthony Rotoni, Ms. Susan Sularte Naval sa Department of Trade Industry (DTI) Zamboanga del Norte, Mr. Teodulo Andig sa Matam Small Coconut Farmers Association ug Rolando Puyod sa Polanco Marketing Cooperative.(Angelica T. Obina)
SOURCE: PIC-Sheng Bala Montederamos