Usa ka nurse aide sa Cebu Doctors’ Hospital ang namatay diha-diha human maligsan sa usa ka tanker samtang nagsakay sa motorsiklo sa iyang kapuyo sa South Road Properties (SRP), Barangay Mambaling, Dakbayan sa Sugbo, pasado alas-7 sa gabii, Miyerkules, Marso 19, 2025.
Ang biktima mao si Rubeliz Oyao, 39-anyos, residente sa Barangay Agus, Lapu-Lapu City. Siya ang angkas sa motorsiklong gimaneho sa iyang kapuyo nga si Glenn Dela Rosa Ochea, 45-anyos.
Ang tanker nga nakaligis kanila gimaneho ni Damelito Loro Casas, 50-anyos, taga-Barangay Bongayan, Borbon, Cebu, ug gipanag-iya sa Petrologistics Corporation.
Matod ni Ochea nga padulong sila pagpauli gikan sa Carcar City sa diha naligsan sila sa nagsunod kanila. Sa ilang pagkatumba nalatayan sa ligid ang iyang kaipon na maoy hinungdan sa kamatayon niini.
Sa pikas bahin, miangkon si Casas nga wala siya makabantay nga nakaligis siya og motor. Nadiskobrehan na lang niya ang nahitabo human siyang nakadungog og kasaba sa iyang likod.
Sa pagkakaron padayong gitanggong ang suspetsado na drayber sa tanker samtang guhuwat ang desisyon sa pikas habig kung mupasaka ba kini og kaso.
📸 CTTO
I via Renante Socia Lada