An ibang personahes kan Department of Science and Technology (PHILVOLCS) central office nagsagibo nin water sampling hali sa hot and cold spring sa Mt. Isarog sa panginginot ni Dr. Raymundo Maximo, Science Research Specialist.
Kan nagtalikod na aldaw nin biyernes nagsakat sa Mt. Isarog sinda Dr. Maximo para magkua nin mga water samples.
Kun saen ipiliwanag kani an totoong sitwasyon kan Mt. Isarog na kinokunsidera nindang active volcano, alagad sa inisyal nindang pag-eksamin asin pag-obserba dae ini nagpapaheling nin anuman na abnormalidad kun saen selinsyo sana ini.
Piglinaw pa kaini an haloy nang usipon o isyo mapadapit sa tubig daa an laman kan Mt. Isarog kun masabog ini nin Lava asin mga Pyroclastic Materials an ibubuga kun ingkaso mag-abot sa panahon na mangyari ini.
(Jv Navarro Verdeflor Jr. via DOST-Philvolcs, photos credits to the owners)