Pormal na nga giabrihan ang People’s Center sa Kapitolyo sa Davao del Norte asa nahimutang sa Bulwagan ng Karunungan, Provincial Capitol, Brgy. Mankilam, Tagum City.
Gihimo kini ubos sa Liderato ni Vice Governor De Carlo “Oyo” Uy human nga gibutang sa Department of Interior and Local Government (DILG) isip Acting Governor samtang gisuspende pa ssulod sa 60 ka adlaw si Governor Edwin Jubahib.
Mitambong sa giignong aktibidad sila Acting Vice Governor Popop Catalan uban ang mga Boad Members, Mayors, DILG Davao del Norte Director Jonathan Leybag, Department Heads ug uban pa.
Ang People’s Center didto makaplagan ang Provincial Governor’s Office, Provincial Administrator’s Office, Provincial Legal Office, Crisis Intervention Unit of the Provincial Social Welfare and Development Office ug Vice Governor’s Helpdesk kon extension sa Vice Governor’s Help Center.
Tumong sa giingong one stop shop nga daling makita ug maadtoan sa publiko ilabi na ug naay mga transaksyon. (Camille Santos Naraga)
(Source: Acting Gov. Oyo Uy Office)
