Cagaya de Oro City – Si konsehal George Goking, chairman sa Philippine Councilors’ League sa rehiyon 10, kusganong mihangyo sa nasyonal nga buhatan sa PCL nga gahinan og igong pundo ang pagtunol og ayuda ngadto sa mga sakop nga masakit sa Covid-19.
Kini ang unod sa resolosyon nga giendorso sa konsehal human masayran nga adonay mga sakop sa kapunungan nga nagpositibo sa maong sakit.
Tumong niini nga matabangan ang mga konsehal nga biktima sa Covid-19.
Dugang niini, si Goking padayong naghangyo sa katawhan nga sa kanunay magsunod sa mga health protocols sama sa paghugas sa kamot, pagsuot sa face mask, face shield ug labaw sa tanan ang physical distancing.
Gikinahanglan nga maglikay sa mga tapok-tapok ug ibutang kini sa hunahona tungod kay dili nimo mailhan  ang mga tawo nga nagpositibo sa maong sakit kay sila mismo wala kini masayod nga sila nagpositibo. Gikinahanglan lamang ang pasinabtanay og pagtinabangay aron mapugngan ang dugang pagkaylap sa maong sakit, pangamuyo ni konsehal Goking. (Sangguniang Panlungsod)