Sa ika-36 nga regular session sa Sangguniang Panlalawigan aprobado ang ordinansa nga magpahamtang ug silot sa bisan kinsang indibidwal o pasyente o ordinansang sa dili magtug-an sa tinood mahitungod sa iyang condition sa panglawas may kalabutan sa COVID-19 sa panahon nga siya girequire sa usa ka medical clinic, hospital, health center o health facility mapribado man o publico pinaagi sa otorisado nga medical practitioner.
Sumala pa ni Board Member Edgar Andanar, Chairman sa Committee on Public Order and Safety nga si bisan kinsang mahibaw-an nga wala magtug-an sa tinood niyang health status o tinood nga information ilabina karon sa panahon nga ania kita sa State of Public Health Emergency, pwedeng mapahamtangan ug silot sa pagkapreso sulod sa 1 ka tuig ug magmulta sa P1000 ngadto sa P5000.
Tumong niining maong ordinansa nga mahatagan ug serbisyong medical ang pasyente ug aron dili na kini makatakod sa uban ug makatabang pa kini kun magpahigayon sa contact tracing. (Shela Salar, Ronda 5 RPN DXKS)
