Pagdisinfect Sa Mga Sakyanan Sa Syudad Nagapadayon

Nagapadayon kagahapong adlawa (Marso 22) ang pagdisinfect sa mga sakyanan sa syudad didto sa City Hall Grounds, ning dakbayan.

Sumala ni Mr. Benjamin Doringuez, ang CSU nga nagtala sa gihimong pagdisinfect kagahapon atol sa pagsaksi sa Radyo Ronda, nga niadtong Sabado, Marso 21 miabot sa kinatibuk-ang 373 ka mga sakyanan ang ilang nadisinfect; 218 ang sa buntag ug 155 ang sa hapon. Kini ang gilangkuban sa pribado nga mga sakyanan, tricycle, bao-bao ug habal-habal lakip na ang mga colorum nga mga sakyanan.

Gidugang sa maong personahe, nga samtang aduna pa’y hulga sa COVID-19 magpadayon sila sa pagdisinfect sa mga sakyanan aron mahilikay ang mga katawhan sa makamatay nga sakit dala sa COVID-19. (Jun Salubre, Ronda 6 RPN DXKS)