Sa impormasyon gikan sa kapulisan, an layaki kinsa dili pa pwedeng mabutyag an panganlan, jaoy pending na kasong rape ngadto sa isa ka singko anyos na batang babaje sa maong barangay.
Sumala pa ni Police Corporal John Paul Polvo na mga alas-6 sa buntag Marso 12, 2024 sa dihang jaoy ni report sa ilahang buhatan na concerned citizen, na jaon silay napalgang patay’ng lawas sa may Purok 4- Barangay Panatao, Claver, Surigao Del Norte.
Gi bana-bana sa kapulisan na posibleng jadton milabay duyom pa an maong patayng lawas na nakakulob sa kasagbutan, diin gawas sa kinatawo niining hapit na mautod, nakitaan isab kini ug duha ka igo sa bala sa uyo, samtang laing isa isab sa dubdub.
Sa pagka kuman padajon pa an imbistigasyon sa kapulisan sa Claver kung si kinsa an naghimo sa pagpatay, kon may kalabutan ba kini sa kaso nija na pagpang rape ug bata o laing hinungdan kon ngano sija gipatay. (Mark James Lisondra)
