Malampuson nga nahatod sa Kasundaluhan nga sakop sa 27th Infantry Battalion ug 89th Infantry! Battalion ang patayng lawas ni Devina Sindol aka DenDen 24 anyos ang panuigon kinsa namatay atol sa engkwentro sa NPA ug kasundaluhan didto sa Barangay Mapula, Paquibato District ning syudad sa Davao.
Atubangan sa pamilya ug mga silingan ni DenDen didto sa Barangay Digongan lungsod sa Kitaotao Bukidnon, gipasabot sa kasundaluhan ang nahitabong engkwentro didto sa Mapula, Paquibato nga gikamatay ni DenDen.
Sumala pa ni Corporal Retchan Bedro sa 27th Infantry Battalion nga lihitimo ug legal ang ilang operasyon nga gihimo human nila madawat ang report gikan sa mga sibilyan nga dunay mga armadong nagbahis sa usa ka sityo sa Barangay Mapula. Dali nga naghimo ug Combat Operation ang kasundaluhan aron maghimo ug Validation sa presensiya sa rebeling NPA sa lugar nga miresulta sa engkwentro.
Human ang pila ka minuto nga binakbakay, misibat ang pipila ka mga NPA ug gibiyaan ang samaron nga si alyas DenDen apan ang armas niini mao ray gikuha sa mga kaubanan una pa man sila misibat.
Naabtan pa sa kasundaluhan ang samaran sa likod nga si DenDen ug gisulayan pa ug salbar ang kinabuhi niini dayon nga gidala sa tambalanan kauban ang usa usab ka sundalong samaran sa tuhod apan si DenDen gideklara nga Dead on Arrival.
Sumala pa ni Corporal Bedro nga human sila mabalhin diha sa Paquibato dili pa lamang dugay, una na silang gi landmine sa NPA nga gikasamad sa usa ka sibilyan nga sakay sa iyang motorsiklo.
Ang paglandmine sa mga NPA ngadtu sa kasundaluhan kabahin sumala pa sa kamanduan ni Kumander Barukoy ubos sa Guerilla Front 55 aron pagsugat sa kasundaluhan nga na destino sa Paquibato District ning syudad.
Sa pikas bahin, gibutgag usab sa Bravo Company ilawom sa 89th Infantry Battalion nga kamatagon gayud ang sangputan sa usa ka tao nga padayong magpailad sa ginahimong pagoang recruit sa mga New Peoples Army susama sa nahitabo ni ka DenDen.
Tungod niini, padayon ang gihimong aktibidad sa kasundaluhan sa mga lugar nga diin naglihok ang mga NPA aron lamang katabangan ang mga residente sa ilang kinabuhi ug panginabuhian. Kahinumduman nga hingpit na karong gipatuman sa Kagamhanan ang Executive Order number 70 ni Presidente Rodrigo Duterte kun Whole of the Nation Approach aron maundang na ang insuhensiya sa Nasud.
Si Devina Sindol alyas DenDen ang gisundo sa iyang pamilya kauban si Vice Mayor Edwin Abucayan sa Revira Funeral Homes dayon nga gidala pauli sa ilang dapit sa Barangay Digongan, Kitaotao Bukidnon nga giubanan sa Kasundaluhang sakop sa 27th Infantry Battalion ug 89th Infantry Battalion aron mahatagan ug disenting lubong.
(CMO Battalion/ DPAO 10th ID/ OIC Michael Manguhig, RPN DXKT Davao)