Sa pakisusi sa mga personahe sa Scene of Crime Operatives kon SOCO kagahapon alas 10 sa buntag didto sa Arpilleda Funeral Homes kaiban an Provincial Intelligence Branch, Provincial Investigation Detection Management, Regional Intelligence unit sanan ang Sison Municipal Police Station nakita nga jaoy tuyo ka samad pinusilan, isa sa tuo sa iyang liog, duha sa likod sa ija lawas, paso sa sigarilyo sa braso, sanan mga bun-og sa nagkadaiyang parti sa lawas ni Police Staff Sergeant Restie Dandan. Ang patay’ng lawas sa biktima ang nakahaya na sa ila bayay sa Brgy. San Isidro, Sison, Surigao del Norte.
Samtang ang mga personahe sa Mainit Municipal Police Station, 1st Surigao Del Norte Provincial Mobile Force Company sanan ang 29IB PA ang nagpadajun sa hot pursuit operation sa posibleng padakop sa mga responsable pagpatay kay PSSg. Dandan.
Napalgan kagahapong adlawa ang patay’ng lawas ni Dandan sa kasagbutan sa Mayag river sa Sitio Napo, Brgy. Matinao, Mainit sa alas 7 ang takna sa buntag.
Kung mahinumduman ang maong biktima ang gidagit sa armadong grupo sa NPA niadtong Hulyo 31, 2020 didto sa Brgy. San Isidro, Sison sa alas 8:30 ang takna sa buntag.
(Mark James Lisondra, Ronda 21 RPN DXKS Surigao)