Tagoloan, Mis. Or. – Naila na ang lalaki nga gidudahang Posibling biktima sa pagpang salvage human ang lawas lnakit-ang naglutaw-lutaw sa lawud sa jasaan Misamis Oriental apan goda sa ba sa baybayon sa Baluarte, Tagoloan, Misamis Oriental kagahapong adlawa.
Ang namatay nailang si John Jay Agcopra, 26 anyos nga taga Brgy. Macabalan,dunay kaipon og part time nga construction worker ning dakbayan, kinsa giila mismo sa iyang kaipon ug sa mama sa biktima.
Matud ni Jerry Agcopra, ang amahan sa biktima nga basi sa istorya sa nakakitang silingan niadtong Sabado mga alas-10:30 kapin kon kulang, nga migawas sa ilang balay ang iyang anak kinsa gilayong giduolan sa mga nakamotor dayong pasakay ug giposasan.
Dugang pa ni Jerry, nga dili masulti sa nakakita kung mga polis ba kini tungod kay nakasuot lamang sa sibilyan ang maong mga lalaki.
Tungod sa pagtuong gidakop sa polis ang iyang anak, rason nga ila kining gipangita sa mga police station apan walay report nga na-blotter ang iyang anak.
Samtang dili usab masulti sa amahan sa bikttima kung namaligya ba ang iyang anak tungod kay wala niya kini nadunggan, hinuon iyang nahibaw-an nga naggamitan kini.
Hinuon, giangkon ni Jerry nga kanhi na-rehab sulod sa walo ka bulan ang iyang anak human kini naggamit sa illegal nga druga.
Gani iya kining gitambagan nga mohunong na apan dili kini gapaminaw, rason nga iya kining gaubanon sa iyang trabaho sa construction aron ma-divert ang iyang atensyon.
Apan matud ni Jerry, nga tungod kay naa na sa iyang anak ang maong bisyo rason nga mihunong na siya sa pagtambag niini.
Nagtuo usab si Jerry, nga gi-salvage ang iyang anak tungod kay walay tawong maligo mag-inusara sa lawom nang gabii, ug anaa pa usab sa layong dapit nga dili iyang lugar.
News and photo by Radyo Ronda CDO News Team