General Santos City – Sila si Gensan City Mayor Lorelie Geronimo Pacquiao ug LnB President, Bobby Pacquiao nangulo sa pagpang-apod-apod sa tag-usa ka sakong bugas (40kg) alang sa 148 ka mga benepisyaryo nga naapektuhan sa linog sa miaging tuig.
Gipahigayon kini kagahapong adlawa, Agosto 19, 2024 sa Office of Senior Citizen Affairs ning dakbayan sa Gensan.
Gawas sa bugas, malakip usab sila unya sa mga benepisyaryo nga makadawat og P2,000 gikan sa 1Pacman Partylist tungod sa inisyatiba ni LNB Pres. Bobby Pacquiao.
Misaad usab si Mayor Lorelie Pacquiao nga sa pakigtambayayong sa Bobslor Pacquiao Foundation, manghatag siya og 2 ka air conditioning units alang sa OSCA aron mas komportable ang mga katigulangan sa matag higayon nga adunay kalihokan nga ipahigayon sulod sa ilang Headquarters.
(Rem Agdon)
(Source: CMO)