Laraw sa CDO LGU nga mopahigayon og partial turn-over sa Phase 1 sa bag-ong ECO Park ngadto sa IPM Management diha sa Upper Dagong, Barangay Carmen ning syudad karong adlaw sa kapistahan sa Cagayan de Oro, Agosto 28, 2021.
Una nang giplano ang soft opening sa Phase 1 apan tungod kay gipaubos pa man ang syudad sa Modified Enhanced Community Quarantine (MECQ), dili pa kini mahimong buksan sa publiko apan i-turn over na sa IPM ang maintenance ug operation niini.
Ang Phase 1 sa Eco Park naglangkob sa rotunda, bike and jogging lane lakip ang amphitheater niini.
Ang 17-hectare Eco Park gisugdan human hingpit nga gisirado ang kanhi open dumpsite niadtong Abril 2017 sa pag-abag ni Vice Mayor Raineir Joaquin Uy ug majority sa konseho pinaagi sa paghatag og budget aron masugdan ang rehabilitation phase sa maong kanhi dumpsite.
Sa laing bahin, laraw usab nga i-turnover ang bag-ong natibawas nga Amphitheater sa Divisoria ngadto sa CDO LGU, ug nagpaabot na lang kini nga mahan-ay ang pagpahibalo sa nasudnong kagamhanan, ilabina kang Senator Koko Pimentel nga maoy naghatag og dakong pundo sa maong proyekto, ug mga dokumento gikan sa Department of Public Works and Highways (DPWH).
(Source: Misamis Oriental Provincial Information Office Facebook page)