Ngunian pa sanang aldaw pigdadagsa na an mga paratiyenda nin manlain lain na mga burak na nakapuesto harani sa City Park kan cuidad na ini para sa paabuton na pagrumdum kan aldaw nin mga Kalag o Undas.
Sinabe kan mga paratiyenda na naglalaom sinda na makakaganasya ngunian huli ta nalugi kan tamaan nin pandenya kan nagtalikod na taun.
Huli ngani ta pigluwagan naman an restriction sa protocols laban sa Covid 19 Pandemic.
Naglalaom na makakabawi sinda kan nalugi kan nakalipas na taun na grabing kafiyerdihan an saindang sinapo.
Nag-aabot man sa ₱ 80.00 an pinakabato nindang tindang burak mantang maabot man sa ₱ 300 an mahal na presyo nin burak depende sa disenyo kan pagkagibo.Miyentrastanto ngunian na aldaw piglalaoman na masdakol an marusong tao para magbakal nin burak para sa pagsungko sa mga puntod kan saindang mga padangat sa buhay na yaon sa sementeryo.
Kasumpay kan baretang ini magin mga paratiyenda nin kandila naglalaom man na makakabawi nin ganansya o income ngunian na kita marumdom kan All Souls and All Saints Day 2022. (Joey H. Lim)
