Baguio City – Mahigit na 600 miyembro ng Baguio City Police Office, kasama dito ang force multipliers ay nakahanda ng italaga sa mga pampubliko at pribadong sementeryo, sa lugar pasyalan, bus terminals, sa malls, at sa pamilihang pampubliko, sa traffic at police assistance centers dito sa lungsod ng Baguio upang maging mapayapa ang paggunita ng Todos Los Santos sa lungsod ng Baguio.
Ayon kay BCPO tactical operations Chief Lt. Colonel Domingo Gambican, magtatalaga ang BCPO ng 317 na tauhan nito at karagdagang pang 349 force multipliers.
Sinabi rin ni Gambican na ang mga ito ay itatalaga mula Oktubre 29 hangang Nobyembre a 2 ng taong kasalukuyan lalo nang inaasahan ang magpupunta sa puntod ng kanilang minamahal sa buhay na namayapa na. (Joel Cervantes, photo courtesy of PNP BCPO)