Nabiag ti namnama ti Ilocos Norte Travel and Tours Association iti pannakalukat ti turismo iti intero a Luzon.
Imbatad ni Ms. Karen Sales, presidente ti nadakamat a gunglo a dakkel a pagyamananda ti naiget a suporta nga ipapaay ni Gob. Matthew Marcos Manotoc kadakuada.
Kunana a napaneknekanda ti kinapinget ti kalikagum ti gobernador a tumulong a mangbiag iti turismo sipud nainaw ti pannakalukat ti turismo ditoy rehion.Inannugotna nga idi damo ket nauray a kameng ti grupoda ti maamak ken adda ti panagtukiadda a makikammayet iti nasao a kalikagum.
Nupay kasta, impalgakna a kalpasan ti konsultasyon nga insayangkat ti Provincial Tourism Office kadagiti “tourism stakeholders” a pakairamananda ken nailawlawag a sakbay a sumrek dagiti turista iti Probinsia ket kasapulan a masigurado nga umuna a negatibo dagitoy iti COVID-19 Ket naallukoy ti kaadoan a makikaysa iti pannakalukat ti turismo.
Malaksid iti daytoy, impalgakna a naipagunamgunam kadagiti kameng ti nasao a gunglo a kasapulan ti panangpapigsada iti “immue system” da.
Mamati ni Sales iti agdama ket nakasaganan ti grupoda a mangipaay ti serbisio kadagiti interesado nga umay bumisita ditoy probinsia. (Irene Ringor, RPN DZRL Batac Correspondent)
(Source: Communications & Media Office/Provincial Government of Ilocos Norte)