Cebu City – Giaksyonan karon sa Dakbayan sa Sugbo ug Lapu-Lapu nga malikayan o ma menusan ang mga disgrasya o trahedya sa ilang mga molopyo nonot niining panahon sa ting uwan ug diha sa kadalanan.
Sa dakbayan sa Sugbo, gibutyag ni Cebu City Mayor Edgar Labella nga dunay pipila ka grupo gikan sa Department of Engineering and Public Works (DEPW) ang nagpadayon sa paghimo ug declogging operations isip usa sa mga lakang pag control sa baha sa syudad.
Kini homan sa baha ug lonop sa miaging semana nga nasinate sa Syudad sa Sugbo nga mikalas ug tulo ka mga kinabuhi.
Matod ni Labella nga aron dili na mahitabo pag-usab, iyang gimanduan si Ramil Ayuman, pangu sa CDRRMO, nga gub-on ang mga estraktura nga nakababag sa mga sapa.
Samtang sa Syudad sa Lapu-Lapu gipanawagan ni Mayor Junard Chan sa tanan nga likayan ang paglabang sa bisan asa nga dalan sa Syudad nga dili pedestrian lane.
Gipahibaw sab ni Chan nga iyang pasirad-an ang espasyo sa center island pinaagi sa pagbutang ug barbwire aron dili na gyud malabngan.
Agi kinig tubag homan sa aksidente kagahapon sa Dan M.L Quezon, Barangay Pajo, diin naligsan-patay ang 27 anyos nga babaye nga trabahante sa usa ka logistics company, kinsa mitabok agi sa center island.
Nasayran nga mipatong sa center island ug gi ingong naligas padung sa karsaba atol nga mi-agi ang trailer truck niadtong higayona. (Jhon Tadlip, photo courtesy by Edgar Labella | Junard Chan)
(Source: Cebu and Lapu-Lapu City – Provincial Information Office)