Napalaus ti yaman ken ragsak ni Miss Danica Mae Balanay, maysa kadagiti academic scholar ti gibierno probinsial idiay Piddig iti pannakaawatdan nga iskolar.
Imbatadna a nakadakdakkel a banag ti panangikalikagum ni Gob. Matthew Marcos Manotoc a maipaay kadagitoy a gundaway ti stipend iti baet ti panagtultuloy ti krisis a gubuay ti COVID-19.
Inbunannagna a nakapatpateg kadagitoy ti pannakaipaay kadakuada ti stipend gapu iti “online learning” a wagas ti panagadalda.
Malaksid iti daytoy,kunana a dakkel a tulong ti pannakaidanon kadagiti nadumaduma nga ili ti stipend nga iskolar nangnangruna ket awan pay unay dagiti pampasahero a lugan nga agpaspasada.
Innayonna nga uray dagiti nagannak kadakuada ket napalaus ti panagyamanda gapu ta makatulong pay daytoy iti pamiliada