Pinatgan ti konseho iti ili ti Pinili babaen kenni presiding officer ken Municipal Vice Mayor, Hon. Maynard Francis Bumanglag ti kiddaw dagiti tricycle drivers a pannakaingato iti singko pesos kadagiti maibilang a short distance.
Inmay dimmatad bayat iti regular session dagiti sumagmamano a tricycle drivers tapnon dumawat iti permiso kadagiti agpanpanday linteg iti nadakamat nga ili.
Rason iti pannakaidasar daytoy a lungalong ket gapu iti sarsarangeten tay a pandemia.
Kabayatanna, inlawlawag ti presidente iti nasao a gunglo a ti pannakaingato iti singko pesos a plete ti pasahero ket kas no bilang laeng maymaysa isuna a naglugan ngem no tallo iti nakalugan iti maysa a tricycle ket agtalinaed ti dati a plete. (Alyssa Pagdilao, RPN DZRL Batac Correspondent)
( Source: LGU–Pinili, Ilocos Norte)