Nakaamba na namang sumirit ang presyo ng mga produktong petrolyo sa susunod na linggo.
Ayon sa mga source mula sa industriya, maglalaro sa 60 sentimos hanggang 70 sentimos ang taas-presyo sa kada litro ng diesel, gasolina at kerosene.
Ito ang ikalimang sunod na linggo ng paggalaw sa presyo ng langis.
Ayon naman sa Department of Energy o DOE, papalo na sa 52 pesos hanggang higit 63 pesos kada litro ang presyo ng gasolina habang 41 pesos hanggang 52 pesos naman sa diesel.
Naglalaro naman sa 45 pesos hanggang higit 57 pesos ang kada litro ng gas o kerosene.
Sinasabing ito’y bunsod pa rin ng pagsipa ng presyo ng petrolyo sa pandaigdigang pamilihan.