Sa bungad pa lamang ng kanyang talumpati sa 2017 Presidential Award For Child-Friendly Municipalities and Cities sa Malakanyang, pinaulanan na agad ng tirada ni Pangulong Duterte ang mga alagad ng simbahan.
Nanindigan ang pangulo na naniniwala siyang may diyos subalit iba ito sa sinasamba ng mga pari at obispo.
“Praise God. Pero yung God ko…yung God ng mga obispong sabay-sabay sila mga gago. I never said I do not believe in God. What I said is, your God is stupid mine has a lot of common sense. I never said I was an atheist when the presidency is God given gift. I am sure God would have not given me the position if I were a bullshit.” Pahayag ni Duterte.
Hindi rin pinalampas ng punong ehekutibo na balaan ang mga obispo at paring bumabatikos sa kanyang war on drugs.
“Itong mga obispo ninyo, patayin ninyo. Walang silbi iyang mga gagong iyan. All they do is criticize,” Dagdag ni Duterte.
Samantala, muling nagpakawala ng biro si Pangulong Duterte at sa pagkakataong ito ay ginawang tampulan ng katatawanan ang mga pari.