Iginiit ni Sen. Francis Pangilinan na labag sa saligang batas ang mungkahing muling pagpapalawig ng martial law sa Mindanao.
Ayon kay Pangilinan, maari lamang ipatupad ang extension ng martial law sa nasabing rehiyon kung mayroong kasalukuyang nagaganap na rebelyon at ito aniya ay may limited period lamang.
Matatandaang inirekomenda ni Armed Forces of the Philippines (AFP) Chief of Staff Gen. Carlito Galvez kay Pangulong Rodrigo Duterte ang isang taong martial law extension sa Mindanao.
Ayon kay Galvez, suportado ng local government units (LGUs) ng Mindanao at maging ng Commission on Election (Comelec) ang pagpapalawig ng batas militar dahil na nalalapit na 2019 midterm elections.