28.9 C
Manila
Friday, March 29, 2024

Panagbangi Sa Franchise Area Sa Cepalco, Moresco-I Gihangyong Masolosyonan Na

- Advertisement -

Ang konseho sa syudad ubos ni bise mayor Kikang Uy nangusog nga masolosyonan na ang panagbangi kalabot sa franchise area sa Misamis Oriental Electric Service Cooperative I (Moresco-I) ug Cagayan de Oro Electric and Light Power Company (Cepalco).

Sa milabayng sesyon sa konseho hugot nga gihangyo ang Energy Regulatory Commission (ERC) didto sa kaulohan nga dalion na ang pagpakanaug sa hukom sa gipasakang Motion for Reconsideration sa Moresco-I kalabot sa ERC Case No. 2005-019 MC.

Ang maong kaso kalabot na sa panagbangi sa duha ka supplier sa sugang dagitab sa ilang franchise area dinhi sa dakbayan sa Cagayan de Oro.

Si konsehal Bong Lao, chairman sa komite sa energy ug usa sa mga nagpaluyo sa gisagop nga resolosyon, mipasabot nga tinguha sa maong lakang nga ma-facilitate ang electrification project sa pipila sa mga rural areas sa syudad.

Nasayran nga adunay mga barangay nga anaa sa bukid nga dapit nga giserbisyohan sa Moresco-I samtang ang kinatibuk-ang dapit sa dakbayan giserbisyohan sa Cepalco.

Ang resolosyon nga gisagop alang sa maong katuyuan gipaluyohan usab sa komite sa pamalaod ni konsehal Ian Mark Nacaya.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -