General Santos City – Aminado si Gensan City Councilor Dominador Lagare Jr., Chairman sa komitiba sa transportasyon sa konseho nga sakit ang mga banat ug komento kabahin sa transportasyon sa syudad hilabina sa padayong overpricing sa mga tricycle.
Saysay niya nga mga negatibong komento ang tirada batok kaniya isip chairman sa maong komitiba ug daw sa wala nay kasulbaran ang isyu sa transportasyon sa Gensan.
Apan alang kaniya, aduna nay kasulbaran ang problema sa transportasyon pinaagi sa gihimo nga ordinance 37 series of 2018 ug kasamtangang gina-implementar sa dakbayan.
Tungod niini, iyahang iduso ngadto sa MTFRB ang pagpa-ubos sa pamasahe gikan sa 18 pesos matag upat ka kilometro, ngadtu sa dose pesos matag duha ka kilometero.
Pag-angkon niya nga kini ang wala nila nakonsidera dihang gihimo ang resolusyon nga himuong 18 pesos ang minimum nga pamasahe dihang nitaas ang presyon sa gasolina ug krudo. (John Rey Somido)