Pinalawig pa ng Land Transportation Franchising and Regulatory Board (LTFRB) ang pamamahagi ng Pantawid Pasada fuel cards sa mga tsuper at operator ng jeepney hanggang Disyembre 15.
Ayon sa ahensya, upang ma-claim ang mga fuel cards kailangan lamang dalhin ng benepesyaryo nito ang government issued ID, photocopy ng ID at 1×1 picture.
Maliban dito nagsimula na rin ang LTFRB na tumanggap ng special power of attorney na may kasamang mga dokumento para naman sa mga benepesyaryo na hindi makakapagclaim ng personal.
Ang Pantawid Pasada program ay inilunsad ng pamahalaan nuong Agosto para ibsan ang epekto ng ipinatupad na excise tax sa langis sa kita ng mga jeepney drivers at operators.