Dakpan sa drug buybust operation an pahinante sa truck de karga kaganihang buntag lakip nadakpan an isa ka negosyante.
Alas 5:30 sa buntag kuman adlawa Pebrero 5, 2021 gilusad an joint operation sa kapulisan sa may Diez street, Brgy. Taft, Surigao City.
Ang mga nadakpang suspetsado gipaila sa kapulisan na sila Rochie Orag Adobas, 34 anyos minyo ug negosyante na taga Purok 2, Brgy. Togbongon, Surigao City sanan an pahinante na si Jovie Luca Barola, 30 anyos ulitawo na taga Brgy. Bongbong, San Francisco, Southern Leyte.
An joint personnel gikan sa Surigao City Police Station intelligence section tagpanguyohan ni Lt. Col. Christian Rafols II, PNP Maritime Group gipangulohan ni Maritime Police Officer Robert M. Sorilla, sanan an SDN 1st PMFC pinangulohan ni PLt Orillan milusad sa buy bust operation nga miresulta sa pagkasakmit sa siyam ka sachets nan suspected shabu na motimbang sa 0.3 grams na mobalor sa P3,540.00 sanan isa ka P1,000.00 marked money. An mga nadakpan jaon sa custodiya sa City PNP samtang taghikay an kaso na ipasaka.
Rason sa negosyante na wayay idja labot sa nahitabo ug nadamay lamang. Samtang ang pahinante waya moangkon na idja an walo ka sachet sa druga. (Ronda 5 | Shela Salar)
Â
Link: https://www.facebook.com/RPNSurigao1080/videos/449058299568965