29.8 C
Manila
Tuesday, April 16, 2024

Pagtukod Sa Mental Hospital, Halfway House Pundohan Sunod Tuig

- Advertisement -

Cagayan de Oro City – Mokabat sa ₱ 58 milyones ang gisugyot nga gahin ni Mayor Oscar Moreno alang sa pagpatuman sa mga proyekto sa City Social Welfare and Development (CSWD).

Kini naglakip sa ₱ 5 milyones nga pagpadayon sa gitukod nga Mental Hospital dinha sa Maitum, Puerto (Phase 2); ₱ 5 milyones alang sa House of Hope, Lumbia (Phase 2), ug ₱ 5 milyones alang sa pagtukod sa Halfway House alang sa mga kanhi rebelde dinha sa Brgy. Mambuaya.

Gisugyot usab nga magahinan ang pagtukod sa tulo ka Child Development Centers (CDC) (₱ 5 milyones); pagtul-id sa upat ka CDCs (₱ 2 milyones); pagtukod sa usa ka National CDC (₱ 2 milyones); PDAO building and dev’t center (₱ 2 milyones); pagkompleto sa CICL alang sa kababaehan dinha sa Macanhan, Carmen (₱ 2 milyones); pagtukod sa CCPC Office (₱ 1 milyon); community based Child Minding Centers (₱ 1 milyon); laboratory centers sa mga CWD (₱ 2 milyones); administrative building ug staff house sa Oro Care Village (₱ 4 milyones) ug pagtul-id sa evacuation centers sa Barangays Pagatpat, Calaanan ug Indahag (₱ 2 milyones).

Niini, gilantaw nga matukod dinha sa Oro Care Village ang Bahay Pag-asa alang sa kababaehan, guest house, covered court, hydro therapy wading pool, computer repair room, carpentry and car repair room, power/generator room, motor pool garage ug run track oval balor P20 milyones.

Ang gisugyot nga mga proyekto kabahin sa gilaraw nga infrastructure projects and programs sa umaabot tuig 2021 nga gisumite ni Mayor Moreno ngadto sa konseho sa syudad ubos ni Bise Mayor Kikang Uy. (Sangguniang Panlungsod – CdeO)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -