Hindi na kailangan pang magsuot ng N95 mask ang mga tiga-Metro Manila.
Ito ang binigyang linaw ni Health Assistant Sec. Maria Laxamana matapos na makarating sa ilang bahagi ng Metro Manila ang ashfall bunsod nang pag-aalburuto ng Bulkang Taal.
Ayon kay Laxamana, puwede namang gawing alternatibo ang paggamit ng N95 masks, ngunit makapagbibigay naman aniya ng sapat na proteksyon ang mga surgical masks sa mga lugar na mahihina ang ashfall dahil may sarili namang filtering system ang katawan ng tao.
Una nang ibinabala ng DOH na mapanganib sa kalusugan ang ashfall lalo na sa mga indibidwal na mayroong hika, bronchitis, emphysema, bronchitis at iba pang respiratory problems.