Davao City – Generally peaceful ang pagsaulog sa bag-ong tuig sa kinatibuk-ang Davao Region kini ang giluwatang pahayag sa PRO XI.
Base sa assessment sa Police Regional Office XI, walay natalang insidente sa indiscriminate firing ilabi na sa hanay sa kapulisan, gawas lamang sa nasamdan nga residente sa probinsya sa Davao del Sur tungod sa pagpabuto og firecracker butang kini nga gikalipay sa hanay sa kapulisan sa rehiyon onse.
Sumala kang Police Col. Alberto Lupaz, ang director sa kapulisan sa Davao City gawas sa Firecracker Ban Ordinance sa syudad, nakatabang usab ang pagpahugot sa seguridad sa mga dugukunon og tawo nga mga lugar sama sa simbahan, malls ingon man terminal.
Dugang niini, dunay nakumpiska nga 98 lantaka, ug 28 kwitis, gikan sa Davao City, ug dunay 11 ka menor de edad nga ilahang milapas sa ordinansa.
Sigun sa opisyal, bisan paman adunay kakulian nga ginagmay gikalipay niya ang kalampusan sa kapulisan nga mamahimong hapsay ang Davao region. (Camille Santos Naraga)
(Source: PRO XI)