Gihangop sa dul-an libo ka mga katawhan sa Sitio Kayasan, ug sikbit nga dapit sa Barangay Diwan, Dipolog City ang gipahigayong Ayuda Ni Nanay Nene, pinaagi sa Team Ayuda sa probinsya sa pagpangulo ni Atty. Ivan Ang, uban ni Atty. Chembeelyn A. Balucan, Desyembre 29, sa Sitio Kayasan, sa nahisgutang barangay sa unahan.
Nadawat sa mga Kayasanons ang 700 ka sakong bugas nga Princess Bea, nga adunay sulod tag Lima ka kilo, 1,000 kapin ka pack lunch, 150 ka buhing manok nga gipaagi sa raffle draw ug 150 ka pack sa feeds nga adunay sulod tag-duha ka kilo para pang-purga sa manok, klase-klasing igtalanom nga liso ug seedlings sa mga utanon, ug 300 ka putos nga binhi sa mais.
Nalingaw ug nalipay usab ang 310 ka mga kabataan, diin sila nakadawat sa tagsa ka School Bags nga adunay sulod raincoat, Notebooks, crayons, Â pencil, Â ballpen, ug sharpener.
Gidalit usab ang 1,200 ka putos sa ice candy ug tulo ka box sa ice cream, ug ang lamian ug masustansyang chocolate lugaw.
Matod ni Nanay Surprecia Bornales, 75 anyos, taga Sitio Kayasan, nga unang higayon pa niya nakadawat sa maong ayuda gikan sa probinsya, diin siya nakadawat sa Lima ka kilong bugas nga Princess Bea, ug Vitamins nga alang sa mga Senior Citizens.
Gipahigayon usab ang Serbisyo Beterinaryo Sa Barangay, diin nabakunahan ang mga buhing iro ug iring.
Gipahigayon usab ang Serbisyo Medikal, diin sila nakapahimulos sa libreng check-up, mga tambal, dental ug pag-pangtuli.
Samtang nipadayag sa iyang dakong kalipay ug pagpasalamat si Roberto Rubia, nagpuyo sa Sentro sa Diwan, diin siya nakakuha sa duha ka buhing manok ug duha ka putos nga feeds.
Dugang niya, nga karon pa sukad nahitabo sa ilang Barangay nga walay pili ang gitagaan tanang katawhan nga naabot sa covered court sa Sitio Kayasan nakadawat sa mga Ayuda Ni Nanay Nene.
Sa kinatibuk-an, nagmalampuson ang maong Ayuda Ni Nanay Nene, tungod sa hangyo ug paningkamot ni Sibugay former governor Rommel Jalosjos, kinsa maoy Center Director sa Ayuda ni Nanay Nene sa probinsya, nga nagmahal ug naglantaw alang sa kaayuhan sa iyang mga katawhan sa dakbayan sa Dipolog.
(Source: Provincial Information Center Zanorte Facebook page)