27.9 C
Manila
Sunday, April 14, 2024

Pagsaulog sa 87th Cebu City Charter Day, nagtanyag og mga barato na baligya

- Advertisement -

Nunot ning pagsaulog sa ika-87 nga kasumaran sa Cebu City Charter Day, ang Kagamhanan sa Dakbayan sa Sugbo, pinaagi sa City Agriculture Department (CAD) ug sa Department of Veterinary Medicine and Fisheries (DVMF), nagpahigayon og “Agri-Fishery Meat Products Display Fair” sugod kagahapong adlawa Pebrero 19 hangtod sa 23 2024.

Didto kini sa Plaza Sugbo grounds, o atubangan sa City Hall, nagkalainlaing mga utanon ug prutas nga gikan gyud mismo sa mga mag-uuma sa 28 ka bukirang mga barangay sa dakbayan.

Aduna poy mga pagkaon sama sa lechon baboy, siomai, mga pagkaon nga baligya sa dalan, ug uban pa na mapalit sa barato na presyo.

Matod pa na ang tanang baligya sa agri-fishery fair mas mubo sab og P5 ngadto sa P10 ang presyo itandi sa mga anaa sa Carbon Public Market.

Gipangunayan ni Cebu City Mayor Michael Rama ang pagbukas kauban ang iyang kapikas nga si Malou Rama; si Konsehal Pastor “Jun” Alcover, Jr., nga mayor chairman sa committee on agriculture and rural development sa Konseho sa Dakbayan; Dr. Jessica Maribojoc, labaw sa DVMF; ug Joelito Baclayon, labaw sa CAD.

Nitambong usab Didto ang mga tinugyanan sa mga hingtungdang mga ahensya sa nasudnong pangagamhanan, sama sa Department of Agriculture, Department of Social Welfare and Development, Department of Labor and Employment, ug Department of Trade and Industry. (Renante Lada)

((News & photo courtesy of Cebu City PIO)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -