Pagsasagawa ng 2020 Census of Population and Housing ng PSA ipinagpaliban sa Setyembre

Ipinagpaliban na sa Setyembre ang pagsasagawa ng 2020 census of population and housing ng Philippine Statistics Authority (PSA).

Nakatakda sana itong gawin noong Mayo ngunit dahil sa mga ipinatupad na community quarantine ay ipinagpaliban ito.

Ayon sa PSA, kanilang pinaghandaan ang mga alituntunin upang matiyak na masusunod ang mga guidelines ng Department of Health at Inter-Agency Task Force sa pagsasagawa ng census sa Setyembre.

Kasabay nito, umapela din ang PSA sa publiko na lumahok sa census upang makuha ang kumpletong population data.